 |
Azərbaycan Dillər Universiteti
Keyfiyyət siyasəti
BƏYANNAMƏSİ
(ADU-nun Elmi Şurasının 23 dekabr 2025-cil Pr.№6 qərarı ilə təsdiq olunmuşdur.)
ADU-nun Keyfiyyət təminatı siyasəti Azərbaycan Dillər Universitetinin Strateji planında https://adu.edu.az/az/adu-haqqinda/ASP qarşıya qoyulan məqsədləri əsas tutmaqla aşağıdakı prinsipləri özündə ehtiva edir:
1. ADU-nun fəaliyyətinin milli və beynəlxalq qanunvericiliyin tələblərinə uyğun şəkildə həyata keçirilməsi;
2. Daxili keyfiyyət təminatı sisteminin davamlı şəkildə nəzarətdə saxlanılması;
3. İnstitusional inkişaf və şəffaflıq, kollegial idarəetmədə məlumatlara əsaslanan qərar qəbuletmə, hesabatlılıq və açıq kommunikasiya mexanizmlərinin tətbiq olunması;
4. Təhsilalanların, təhsilverənlərin və bütün universitet heyətinin təhsil mühitindən daha səmərəli faydalanması üçün mövcud təhsil və maliyyə resurslarının səmərəli idarə olunması, infrastrukturun təkmilləşdirilməsi və fəaliyyətin mərhələli şəkildə beynəlxalq standartlara uyğunlaşdırılması;
5. Təhsilalanların ali təhsil ilə yanaşı əmək bazarının tələblərinə uyğun yüksək keyfiyyətli mütəxəssis kimi formalaşması məqsədilə təhsil proqramlarının mütəmadi yenilənməsi, təkmilləşdirilməsi və optimallaşdırılması;
6. Tələbə məmnuniyyətinin izlənilməsi, tələbələrin ehtiyac və gözləntilərinin davamlı öyrənilməsi, onların akademik və sosial inkişafının təmin edilməsi;
7. İşəgötürənlərlə əməkdaşlıq çərçivəsində əmək bazarının tələblərinə cavab verən kompetensiyaların formalaşdırılması və məzunların məşğulluq imkanlarının artırılması;
8. Bütün struktur bölmələrinin öz fəaliyyətlərini və iş planlarını universitetin Strateji planına uyğun şəkildə qurması, strateji hədəflərə nail olmaq üçün ardıcıl və sistemli fəaliyyət göstərməsi, həmçinin bu prosesin monitorinqinin təşkili;
9. İnkişafın təmin edilməsi üçün Strateji planda əks olunan məqsədlərin ehtiyaclar əsasında müəyyən olunmuş aralıqlarla yenilənməsi və məsul struktur bölmələri üzrə səlahiyyət bölgüsünün dəqiqləşdirilməsi ilə səmərəliliyin artırılması;
10. Universitet əməkdaşlarının peşəkar inkişafını dəstəkləmək məqsədilə ehtiyaclara uyğun təlimlərin təşkili;
11. Beynəlxalq əməkdaşlıq şəbəkəsinin genişləndirilməsi,xarici tələbələrin cəlb olunması, təhsil proqramlarının beynəlxalq akkreditasiya və keyfiyyət standartlarına uyğunlaşdırılması;
12. Keyfiyyət idarəetmə sisteminə bütün struktur bölmələrinin cəlb edilməsi və hər bir əməkdaşın bu prosesdə məsuliyyət daşıması;
13. Təhsilalanlar da daxil olmaqla, professor-müəllim heyətinin elmi-tədqiqat fəaliyyətinin stimullaşdırılması və dəstəklənməsi;
14. Təhsilalanların keyfiyyət siyasətinə cəlb edilməsi;
15. Davamlılıq və inklüzivlik – ətraf mühitə həssas münasibət, bərabər imkanlar və sağlam kampus mühitinin yaradılması;
16. Təhsilalanlara və əməkdaşlara fasiləsiz və keyfiyyətli psixoloji xidmətin göstərilməsi;
17. Universitet heyətinin asudə vaxtının səmərəli təşkili, sosial-humanitar fəaliyyətlərin dəstəklənməsi;
18. Maraqlı tərəflərin dəqiq və şəffaf məlumatlarla təmin olunması məqsədilə Keyfiyyət siyasətinin bütün daxili və xarici tərəflər üçün əlçatanlığının təmin edilməsi, ekpert rəyinə açıq olması və dövri özünüqiymətləndirmə;
19. Keyfiyyət siyasətinin sistemli şəkildə, uyğunluq baxımından qiymətləndirilməsi, monitorinqi və zərurət yarandıqda yenilənməsi.