Azərbaycan Dillər Universitetinin Ümumi dilçilik kafedrası 2000-ci il may ayında yaradılmışdır. Həmin ildən kafedraya filologiya elmlər doktoru, professor Azad Yəhya oğlu Məmmədov rəhbərlik edir. Bu illərdə kafedrada yüksək elmi potensiallı professor və müəllim heyəti cəmlənmişdir. Ümumi dilçilik kafedrası həm bakalavr, həm də magistratura səviyyəsində nəzəri fənləri tədris edən kafedradır. Kafedrada Dilçiliyə giriş, Ümumi dilçilik, Dilçilik tarixi, Dil və cəmiyyət, Dilçiliyin müassir problemləri, Diskurs təhlili, Korpus dilçiliyi, Sosiolinqvistika, Dil və mədəniyyət və digər məcburi və seçmə fənlər tədris olunur.
Kafedranın əməkdaşları arasında akademik Kamal Mehdi oğlu Abdullayev, professorlar Fəxrəddin Yadigar oğlu Veysəlli, Çingiz Muxtar oğlu Hüseynzadə, Həbib Məmməd oğlu Zərbəliyev kimii dünya şöhrətli alimlər çalışırlar. Bundan başqa, kafedrada bir filologiya elmləri doktoru, doqquz filologiya üzrə fəlsəfə doktoru çalışır. Kafedra müəllimlərinin xeyli sayda dərslikləri, dərs vəsaitləri, monoqrafiyaları, lüğətləri, eləcə də nəzəri və tətbiqi dilçilik sahəsinə aid elmi məqalələri Respublikamızda və ondan kənarda nüfuzlu jurnal və dərgilərdə çap olunmuş və olunmaqdadır.
Kafedranın əməkdaşları Azərbaycanda və xarici ölkələrdə keçirilmiş Respublika və Beynəlxalq konfranslarda məruzələrlə vaxtaşırı çıxış etmişlər.
Nəzəri statuslu Ümumi dilçilik kafedrasında dissertasiya işlərinin müzakirələri, müasir dilçiliyin aktual məsələləri kafedranın seminar və iclaslarında müzakirə olunur. Kafedranın iclaslarında onun gələcək perspektivlərinə dair məsələlər iclaslarda müzakirə olunur. Kafedranın professorları doktorant və dissertantların yetişməsində yaxından iştirak edirlər.
