Strateji İnkişaf və Planlama Şöbəsinin təşkilatçılığı ilə COP29-da iştirak etmiş

tələbələrlə 2025-ci ildə universitet daxilində həyata keçiriləcək fəaliyyətlər

müzakirə olundu. Görüşdə, Strateji İnkişaf və Planlama Şöbəsinin əməkdaşları

Günay Seyidova və Gültac Bayramova universitetin strateji inkişaf planları

haqqında təqdimat edib.

Həmçinin, Avropa Dilləri Kafedrasının baş müəllimi Sevda Abuzərli də iştirak

edərək, beynəlxalq təcrübələrin universitetdəki tədris fəaliyyətlərinə təsirini

vurğulayıb. Tələbələr, COP29-da qazandıqları təcrübələrdən universitetin

inkişafında necə istifadə olunacağına dair təkliflər təqdim ediblər.

Görüşün nəticəsində 2025-ci ildəki fəaliyyətlərə dair konkret fəaliyyət planı irəli

sürülüb və gələcəkdə bu cür müzakirələrin davam etdirilməsi üçün aşağıda qeyd

edilən təkliflərin reallaşdırılması müzakirə edilib;

1. Universitetdə ekoloji problemlərə dair seminarlar, təlimlər və təbii

resursların qorunması ilə bağlı layihələr təşkil etmək;

2. Universitet olaraq, sosial məsuliyyət layihələrində aktiv iştirak etmək;

3. Universitetdə gənc liderlər üçün mentorluq proqramı yaratmaq və s.