Linqvokulturologiya kafedrası

Linqvokulturologiya Kafedrası

Kafedranın yaranma tarixi: 1959-cu ildən Avropa dilləri fakultəsi nəzdində fəaliyyət göstərən kafedra 1993-cü ilədək “İngilis dilinin leksikası” adlandırılmışdır. Universitetin 1994-cü il 9 fevral tarixli iclasın qərarı və 14 fevral tarixli əmr ilə kafedra “İngilis dilinin leksikası və ölkəşünaslıq” adı ilə fəaliyyətini davam etdirmişdir. Daha sonra, ADU Elmi şurasının 3 dekabr 2013-cü il tarixli iclasının qərarı və rektorun 1/318 №li əmri ilə kafedranın adı dəyişdirilərək “Linqvokulturologiya” adlandırılmışdır. Hal-hazırda “Linqvokulturologiya” kafedrası İngilis və fransız dilləri fakültəsi nəzdində fəaliyyət göstərir və kafedra müdiri fil.f.d., dos. Vüsalə Elxan qızı Ağabəylidir.

Kafedranın missiyası:

✓ Dünya ölkələri arasında intensiv iqtisadi, siyasi və mədəni əlaqələri ilə səciyyələnən müasir dövrdə əmək bazarının və ümumiyyətlə cəmiyyətin dil vasitəçiliyinə artan tələbatının ödənilməsi üçün dillər - mədəniyyətlərarası ünsiyyət sahəsində yüksək ixtisaslı və rəqabətli mütəxəssislərin hazırlanmasının təmin edilməsi;

✓ Xarici dillərin (ingilis dilinin) tədrisi sahəsində dərin biliklərə, peşəkar kompetensiyalara malik müəllimlərin hazırlanması, habelə sosio-linqvistik və linqvo-mədəni problematikanın tədbiqi sahəsində elmi kadrların yetişdirilməsi ilə bağlıdır.

Kafedranın hədəfləri:

Ø Milli-mənəvi və ümumbəşəri dəyərləri qoruyan və inkişaf etdirən, geniş dünyagörüşünə malik olan, yenilikləri qiymətləndirməyi bacaran, nəzəri və praktiki biliklərə yiyələnən, müasir təfəkkürlü və rəqabət qabiliyyətli mütəxəssis-kadrlar hazırlamaq;

Ø Sistemləşdirilmiş bilik, bacarıq və vərdişlərin mənimsənilməsini təmin etmək, təhsil alanları ictimai həyata və səmərəli əmək fəaliyyətinə hazırlamaq,

Ø Müasir əmək bazarında öz layiqli yerini tutmağa çalışan fərdlər yetişdirmək və s.

Kafedranın məqsəd və vəzifələri:

Ø Kafedra olaraq innovativliyə meyl etmək, müəllimlərin akademik potensialının inkişafı üçün məqsədyönlü işlər aparmaq;

Ø Regionlarda innovativ təhsil mühitinin yaradılması məqsədilə bölgələrdəki məktəblərlə əməkdaşlıq etmək;

Ø Beynəlxalq və regional ali təhsil müəssisələrinin müxtəlif kafedraları ilə qarşılıqlı əlaqələri inkişaf etdirmək;

Ø Dünya təhsilinin inkişaf tendensiyalarını və Bolonya prosesinin təcrübəsini nəzərə alaraq, müasir tədris planlarının hazırlanmasına yardım etmək;

Ø Dünyadakı cari tendensiyaları nəzərə alaraq, müvafiq tələblər səviyyəsində mütəxəssislərin, elmi-pedaqoji kadrların hazırlanmasına, yeni ixtisasların Universitetin qəbul planına salınmasına dair töhvə vermək;

Ø Regional, milli və beynəlxalq əmək bazarının inkişaf perspektivlərinə uyğun olaraq işəgötürənlərin tələblərinə cavab verən kadrların hazırlanması;

Ø İnnovasiya infrastrukturunun genişləndirilməsini həyata keçirə biləcək kadrların hazırlanması

Kafedranın fəaliyyəti: Kafedra geniş fəaliyyət strukturuna malikdir. Kafedrada həm bakalavriatura, həm də magistratura pilləsində ölkəşünaslıq və linqvoölkəşünaslıq, dil bacarıqları, akademik yazı və oxu, müxtəlif seçmə fənlər üzrə tədris prosesi həyata keçirilir.

Dil və mədəniyyətin qovşağını özündə birləşdirən bu kafedra eyni zamanda müasir cəmiyyət, mədəniyyətlərarası qarşılıqlı əlaqələrin genişləndirilməsi ilə xarakterizə olunur, bu da müsbət əməkdaşlıqla yanaşı, həm də mədəniyyətlərarası inteqrasiyaya da yol açır. Bu baxımdan universitet məzunlarının qarşısında ümumbəşəri mədəniyyət dünyasıyla tanış olmaq və digər milli mədəniyyətlərə tolerantlıqla yanaşmaq və hörmət etmək məsələləri durur. Bu xarici dilin tədrisində kommunikativ və linqvokulturoloji kompetensiyanı əhatə edən dünya mədəniyyəti, sosial hadisələrin və ənənələrin mədəni əsaslarını bilməkdən ibarətdir

Kafedrada tədris edilən fənlər üzrə müəllimlər proqram və təqvim planları, sillabuslar hazırlayır, magistr dissertasiyalarına rəhbərlik edirlər. İl ərzində və imtahan qabağı məsləhət saatlarının təşkil edilməsini,TEC-də tələbələrin iştirakını təmin edir və onların işlərinə rəhbərlik edir.

Kafedra universitet və digər ali məktəblərdən daxil olan dissertasiya, dərslik, dərs vəsaitlərini, elmi məqalələri müzakirə edir, rəylər verir, kafedraya təhkim olunmuş doktorant və dissertantlara rəhbərlik edir, dissertasiyalarının müzakirəsini keçirir. Kafedra üzvləri elmi konfransların, seminarların təşkilində fəal iştirak edir və elmi məruzələrlə çıxış edirlər.

Kafedrada tədris olunan fənlər üzrə açıq dərslər təşkil olunur və onların metodik təhlili aparılır. Gənc müəllimlər üçün müntəzəm olaraq kurs və təlimlər təşkil edilir. Xaricdən dəvət olunan mütəxəssislərin təşkil etdiyi təlim, vebinar və treyninqlərdə müəllim iştirakını təmin edir. Müntəzəm olaraq kafedra və bölmə iclaslarını keçirir.

Kafedranın akademik proqramlarına bakalavriatura və magistratura pillələri üzrə proqramlar daxildir.

Kafedranın tərkibi: Linqvokulturologiya kafedrasında 30 müəllim çalışır. Onlardan 3 nəfər filologiya elmlər doktoru, professor, 6 nəfər dosent, 2 nəfər dosent əvəzi, 12 nəfər filologiya üzrə elmlər doktoru, 21 nəfər baş müəllim, 1 nəfər isə müəllim vəzifəsində işləyir. Kafedrada 1 laborant fəaliyyət göstərir. Kafedra əməkdaşlarının 4 nəfəri doktorant və dissertantlardır.

Müəllimlərinin siyahısı

№	Müəllimin adı,soyadı,ata adı	Vəzifəsi
1	Ağabəyli Vüsalə Elxan qızı	Kafedra müdiri. fil.f.d.,dos.
2	Qazıyeva Məsməxanım Yusif qızı	fil.e.d.prof.
3	Abdürəhmanova Könül Elxan qızı	fil.e.d.,prof.əv.
4	Cəfərova Kəmalə Havadar qızı	fil.e.d.,prof.əv.
5	Quliyev Tofiq Səfər oğlu	fil.f.d.,dos.
6	Gözəlova Nərgiz Cəfər qızı	fil.f.d.,dos.
7	Fərəcova Elina İsa qızı	fil.f.d.,dos.
8	Hacıyeva Mahirə Tahir qızı	fil.f.d.,dos.
9	Ağayeva Rəşidə Rəşid qızı	fil.f.d.b/m
10	Məmmədzadə Aynur Fazil qızı	fil.f.d.b/m
11	Zöhrab Məsmə Məcid qızı	fil.f.d.b/m
12	Putayeva Elnarə Eldar qızı	fil.f.d.b/m
13	Həsənova Nəzakət Aslan qızı	fil.f.d.b/m
14	Hasanquliyeva Elnarə Akif qızı	fil.f.d.b/m
15	Mahmudova Firəngiz Şirin qızı	fil.f.d.b/m
16	Məlikova Gülnarə İsmayıl qızı	b/m
17	Muxtarova Dinara Kamal qızı	b/m
18	Orucova Səidə Cəlal qızı	b/m
19	Mehdiyeva Səidə Mehdi qızı	b/m
20	Cəlilova Xanım Hüseyn qızı	b/m
21	Məmmədova Aynur Tofiq qızı	b/m
22	Zairova Tahirə Davud qızı	b/m
23	Əsədova Ülkər Nizaməddin qızı	b/m
24	Şamıyeva Rəbiyyə Bəhmən qızı	b/m
25	Məmmədova İlahə Rauf qızı	b/m
26	Muğalova Lamiyə Tahir qızı	b/m
27	Mirzəzadə Ülfan Malik qızı	b/m
28	Səfərova Aysel Vəliyulla qızı	b/m
29	Ramazanova Günel Fətulla qızı	b/m
30	Paşazadə Nərgiz Çingiz qızı	m