Azərbaycan Dillər Universiteti Tələbə Gənclər Təşkilatının (TGT) nəzdində fəaliyyət göstərən “Tarix-Vətənpərvərlik” klubu və “Tələbə Diplomatlar” klubunun birgə təşkilatçılığı ilə 8 Noyabr Zəfər Gününə həsr olunmuş “Qələbə Bayrağı altında” adlı tədbir keçirilib.

Tədbirin məqsədi Azərbaycanın 44 günlük Vətən Müharibəsində qazandığı tarixi zəfəri, şəhidlərimizin müqəddəs xatirəsini yad etmək və qazilərimizin göstərdiyi igidliyi vurğulamaq olub. Eyni zamanda, gənc nəslə bu mühüm tarixi hadisənin əhəmiyyətini anlatmaq və vətənpərvərlik hisslərini gücləndirmək tədbirin əsas istiqamətlərindən biri idi.

Tələbələr vətənə dair şeirlər və musiqilər səsləndiriblər.

Tədbirdə ADU TGT sədri Nicat Əliyev, İngilis-Alman dilləri fakültəsinin dekanı Naibə Camalova, dekan müavini Lalə Həsənova və bir sıra müəllim heyəti iştirak edib.