23 iyul-27 iyul 2024-cü il tarixlərində Voronej Dövlət Universitetində Azərbaycan Dillər Universiteti (ADU)  Rusiyaşünaslıq Mərkəzinin elmi işçisi, Beynəlxalq münasibətlər kafedrasının müəllimi Sergey Leonidoviçin və regionşünaslıq fakültəsinin tələbələrinin birgə iştirak etdiyi "Özümüz Aramızda" Beynəlxalq Tələbə Yürüşü keçirilib.
Bildirilib ki, iştirakçılar arasında Azərbaycan, Belarus, Qazaxıstan, Rusiya, Türkmənistan və Özbəkistandan olan tələbələr də olub.
Təşkilatçılar tərəfindən hazırlanan proqram çərçivəsində ictimai diplomatiya vasitələri, süni intellekt, universitetlərdə innovativ fəaliyyət, gənclərin etnoturizmi üzrə maarifləndirici mühazirələr, Rusiyanın aparıcı kənd təsərrüfatı holdinqi "EkoNiva Aqro" və "Divnoqorye" təbii memarlıq və arxeoloji muzey-qoruğuna maraqlı səyahətlər, "Rus ənənələrinə səyahət" mədəni-əyləncə proqramı və "Beynəlxalq mozaika" konserti keçirilib.
Forumun asas komponentlərindən biri gənclər layihələrinin hazırlanması və təqdimatı olub ki, burada informasiya texnologiyaları sahəsində "Uçuş" layihəsini təmsil edən ADU tələbələri digər ölkələrdən olan tələbələrlə birlikdə birinci yeri tutublar.