Azərbaycan Dillər Universitetinin (ADU) Beynəlxalq əlaqələr şöbəsinin əməkdaşı, Erasmus+ koordinatoru Fidan Cəfərova “Erasmus +” proqramı çərçivəsində 20-25 may tarixlərində Rumıniyanın Lusian Blaga Universiteti tərəfindən təşkil edilən “Beynəlxalq Həftə”nin 10-cu buraxılışında iştirak edərək, universitetimizi beynəlxalq müstəvidə təmsil edib.

Bildirilib ki, ULBS-in təşkil etdiyi tədbirdə 30-dan çox ölkədən tərəfdaş universitetlərdən akademik və inzibati işçilər iştirak ediblər. Fidan Cəfərovanın Azərbaycan və Bakı haqqında etdiyi təqdimat tədbir iştirakçıları tərəfindən maraqla qarşılanmışdır.

 Tədbirin sonunda əməkdaşımız Lusian Blaga Universiteti tərəfindən sertifikatla mükafatlandırılıb.

iWeek 2024-də təqdim olunan ümumi mövzular iqtisadi qloballaşmanın yeni tendensiyaları, ali təhsil müəssisələrinin beynəlmiləlləşməsi, tədqiqat və bilik transferi, yaşıl iqtisadiyyata və davamlı inkişafa keçid, eyni zamanda təhsildə ədalət və keyfiyyət aspektlərini əhatə edib.