Azərbaycan Dillər Universitetinin (ADU) Bakı şəhəri Nizami rayonunda yerləşən şəhid Vüqar Sadıqov adına 214 saylı tam orta məktəbdə Filologiya fakültəsi nəzdində Xarici dillərin tədrisi metodikası kafedrasının baş müəllimi, filologiya üzrə fəlsəfə doktoru Nuriyyə Əliyevanın rəhbərliyi  ilə pedaqoji təcrübədə olan tələbələri- Aida Qasanova, Mənzurə Sadıqova, Nəzrin Fətiyeva, Fəxriyyə Şixəliyeva, Ləman İbrahimova və Səma Məmmədova tərəfindən COP29 çərçivəsində “For The Sake Of Green Future” adlı maarifləndirici dərs keçirilib.

Öncə Fəxriyyə Şıxəliyeva tərəfindən mövzu üzrə hazırlanan plakat şagirdlərə təqdim olunub. Maarifləndirici dərsdə şagirdlər yaşıl dünyanın qorunması və gələcək nəsillərə ötürülməsinə dair söz verərək, onları məktublarda qeyd ediblər.

Daha sonra tələbələr şagirdlərin əllərini təbiətin rəngi olan yaşıla boyayaraq, plakat üzərində öz imzalarını həkk ediblər.