ADU–nun Beynəlxalq Münasibətlər və Regionşünaslıq fakültəsi və Azərbaycanşünaslıq ETL “Şuşa Qafqazın konservatoriyasıdır” adlı dəyirmi masa keçirib.  

Tədbiri giriş sözü ilə Regionşünaslıq kafedrasının müdiri dosent Sevdagül Əliyeva açıb. O bildirib ki, xanəndə, bəstəkar və musiqiçilərin sayı və xidmətlərinə görə Şuşanı “Şərqin  filormoniyası”, "Kiçik Paris", "Qafqazın sənət məbədi", "Azərbaycan musiqisinin beşiyi" və "Qafqazın konservatoriyası" adlandırıblar.

“Qarabağda, xüsusilə Şuşada musiqiçilərin formalaşmasına təsir göstərən musiqi məclisləri və musiqi məktəbləri haqqında Azərbaycan Respublikasının əməkdar müəllimi, Milli Konservatoriyanın baş müəllimi,  məhşur muğam ustası Qəzənfər Abbasov  geniş və hərtərəfli məlumat verib.

Regionşünaslıq kafedrasının müəllimləri - Mehparə Tajdehibonab və Sevinc Qurbanova  Şuşada doğulub böyümüş,  ilk müsiqi təhsilini orada almış, məhşur bəstəkarlar haqqında  təqdimat ediblər. Azərbaycan Milli Konservatoriyası tərkibində İncəsənət Gimnaziyasının Xoreoqrafiya şöbəsinin müdiri Tahir Eynullayev  “Qarabağ  rəqsləri” mövzusunda dərin məlumat verərək, “Uzundərə” rəqsinin adının yaranması, “Tərəkəmə”, “Turacı” rəqslərinin  tarixindən məlumat verib.  

Regionşünaslıq kafedrasının  baş müəllimi, PhD Təranə Quluzadə  Qarabağda  tanınmış tarzən, kamança və qarmon çalan məhşur musiqiçilər haqqında maraqlı məlumaları iştirakçıların diqqətinə çatdırıb.

İştirakçılardan  dosent Amil Cəfərov, professor Həbib Zərbəliyev, dosent Ədalət Abdiyeva, PhD. Rəna Rəcəbli, professor Niyazi Mehdi, PhD Gülzadə Abdullayeva  müzakirələrdə iştirak edib, çıxışçılara  əlavə maraqlı məlumatlar veriblər.