Azərbaycan Dillər Universitetinin (ADU) Təlimdə innovasiyalar kafedrasının müdiri dosent Aytən Bayramova və kafedranın nəzdində fəaliyyət göstərən “Akademik yazı və oxu” mərkəzinin baş mütəxəssisi dosent Sevil  Qurbanova Sabunçu rayonunun Nardaran qəsəbəsindəki 295 saylı tam orta məktəbin direktoru, millət vəkili Dilarə Cəbrayılova ilə görüşüb.

Görüşün əsas məqsədi ADU və 295 saylı tam orta  məktəb  arasında  əməkdaşlıq əlaqələrinin qurulması, orada fəaliyyət göstərən müəllimlərin pedaqoji peşakarlığının inkişafına, onların dil qabiliyyətlərinin təkmilləşdirilməsinə stimul verən   təlimlərin təşkil olunmasıdır.

A.Bayramova və S.Qurbanova ingilis dili dərslərini müşahidə edib, öz təklif və tövsiyələrini müəllimlərin nəzərinə  çatdırıb.

Görüşün sonunda məktəbin direktoru, millət vəkili Dilarə Cəbrayılova  bu gözəl təşəbbüsü üçün ADU-nun rektoru akademik Kamal Abdullayevə öz dərin təşəkkürünü bildirib.