Təcrübəçi tələbələrin təşkilatçılığı ilə 47 saylı Ağdam məcburi köçkün tam orta məktəbində “Çini tanıyaq” mövzusunda müsabiqə keçirilib.

Müsabiqədən əvvəl tələbələr Çinlə bağlı yazılı məlumatı hər biri 5 şagirddən ibarət 2 komandaya  veriblər, 3 gün sonra həmin şagirdlər sinif otağına dəvət olunub və verilmiş mətnə dair 15 sualı cavablandırıblar. Qaliblər məktəbin direktoru və ADU nümayəndələri tərəfindən müəyyən edilib.

Məktəbə səfər etmiş ADU-nun Pedaqogika kafedrasının müdiri, dosent Nigar Zeynalova, Psixologiya kafedrasının dosenti Ceyhun Alıyev, ADU-nun nəzdində Konfutsi İnstitutunun direktoru xanım Li və Beynəlxalq Əlaqələr şöbəsinin əməkdaşlarının iştirakı ilə müsabiqənin qalibləri mükafatlandırılıb, hədiyyələr təqdim edilib.