Oktyabrın 30-da Azərbaycan Dillər Universitetində (ADU) Germanistikanın yeni dövrü: Müasir tədqiqat meyilləri, rəqəmsal yanaşmalar və disiplinlərarası perspektivlər" mövzusunda elmi seminar keçirilib.

Elmi Seminarın moderatoru İngilis dilinin leksikologiyası kafedrasının fil.f.d. baş müəllimi Həşimova Dürrə Ərəstun qızı Germanistikanın İnnovativ və Rəqəmsal Perspektivləri mövzusunda çıxış edib.

Tədbirdə İngilis və alman ,İngilis və fransız dilləri fakültəsinin dekanları dos.N.E.Camalzadə, dos.V.Z.Babayeva, İngilis dilinin leksikologiyası kafedrasının müdiri dos.M.Ə.Hüseynova, Alman dilinin leksikologiyası və üslubiyyatı kafedrasının müdiri dos.X.S.Əsgərova, İngilis dilinin fonetikası kafedrasının müdiri dos.X.Ə.Qocayeva, Serbiya mərkəzinin müdiri dos.L.Ç.Məcidova Təlim və metodologiya mərkəzinin müdiri b.m.M.A.Bağırova və kafedranın əməkdaşları iştirak etmişlər.

Seminarın əsas məqsədi rəqəmsallaşma, qloballaşma və transmilli miqrasiya prosesləri fonunda germanistika elminin keçdiyi transformasiyanı təhlil etmək, eləcə də müasir tədqiqat metodlarını universitetin elmi-tədris mühitinə inteqrasiya etməkdən ibarət olub.

Seminarda məruzə ilə çıxış edən спикер klassik filoloji yanaşmalardan rəqəmsal və interkultural germanistikaya keçidin zəruriliyini vurğulayıb. Qeyd olunub ki, müasir dövrdə germanistika sadəcə bədii mətnlərin analizi və ya qrammatik qaydaların öyrənilməsi ilə çərçivələnə bilməz; bu sahə artıq koqnitiv dilçilik, sosiolinqvistika və rəqəmsal humanitar elmlərlə (Digital Humanities) sintez olunan dinamik bir fənlərarası müstəviyə keçib.

Məruzədə xüsusilə aşağıdakı strateji istiqamətlər önə çəkilib:
 Areal və Disiplinlərarası Yanaşma: Germanistikanın dar "alman dilçiliyi" çərçivəsindən çıxaraq bütün german dillərinin (ingilis, alman, holland, Skandinaviya dilləri) ümumi təkamül qanunauyğunluqlarını araşdıran areal elminə çevrilməsi;
 Rəqəmsal Germanistika və Korpus Dilçiliyi: Süni intellekt (AI), Böyük Dil Modelləri (LLM) və korpus proqramlarının (AntConc, Sketch Engine, NooJ) filoloqlar üçün əvəzolunmaz empirik alətə dönüşməsi;
 ADU-da Elmi İnnovasiyalar: Universitet bazasında rəqəmsal german-Azərbaycan paralel tərcümə korpuslarının yaradılması və tədqiqatların müasir fənlərarası paradiqmalara adaptasiyası.
Çıxışın ardından müasir elmi çağırışlar, süni intellektin filologiyada rolu, miqrasiya mühitində sosial dialektlərin formalaşması və rəqəmsal alətlərin tədrisə tətbiqi ətrafında geniş diskussiya aparılıb, iştirakçıların sualları ətraflı cavablandırılıb.

Seminarın yekununda qeyd olunub ki, ADU-nun zəngin akademik ənənələri və elmi potensialı gənc tədqiqatçıların beynəlxalq standartlara cavab verən rəqəmsal dilçi-analitik kimi yetişməsinə tam zəmin yaradır.
Seminar müzakirələrlə  yekunlaşıb.