Azərbaycan Dillər Universiteti fəlsəfə və elmlər doktoru proqramları üzrə doktoranturaya və dissertanturaya qəbul elan edir

  Azərbaycan Dillər Universiteti Azərbaycan Respublikası Nazirlər Kabinetinin

  2021-ci il 22 iyun tarixli 356 s nömrəli sərəncamına uyğun olaraq fəlsəfə və elmlər doktoru proqramları üzrə doktoranturaya və dissertanturaya qəbul elan edir

         Fəlsəfə doktoru proqramı üzrə doktorantura və dissertanturaya ali təhsil pilləsinin magistratura səviyyəsini bitirən (magistr dissertasiyasını müdafiə edən), yaxud təhsili ona bərabər tutulan  Azərbaycan Respublikasının vətəndaşları müsabiqə əsasında qəbul olunurlar.

         Dissertantlıq yolu ilə “Fəlsəfə doktoru” elmi dərəcəsi almaq hüququna müvafiq tədqiqat sahəsində müəyyən müvəffəqiyyətləri olan ali təhsil müəssisələrinin, elmi və digər təşkilatların elmi və elmi-pedaqoji kadrları malikdirlər. Dissertant kimi təhkim olunmaq istəyən şəxslər azı  iki il elmi və ya elmi-pedaqoji iş stajına malik olmalıdırlar.

  Elmlər doktoru proqramı üzrə dissertanturaya daxil olmaq istəyənlərin seçdikləri

 ixtisasa uyğun işləmələri tələb olunur.   

        Fəlsəfə doktoru və elmlər doktoru proqramları üzrə doktorantura və dissertanturaya sənəd qəbulu üçün 15 iyul 2021-ci il son tarixdir. Fəlsəfə doktoru proqramı üzrə xarici dil imtahanını müvəffəqiyyətlə vermiş iddiaçıların Fəlsəfə fənni üzrə imtahanları 1, 2, 3 sentyabr 2021-ci il, ixtisas imtahanları isə 9, 10 sentyabr 2021-ci il tarixlərində keçirilməsi nəzərdə tutulur.

        Fəlsəfə və elmlər doktoru proqramı üzrə doktorantura və dissertanturaya sənəd qəbulu “Təhsil Mərkəzləşdirilmiş İnformasiya Sistemi”(TMİS) vasitəsilə elektron qaydada həyata keçiriləcək. Doktorantura və dissertanturaya sənəd təqdim etmək istəyən şəxslər Azərbaycan Respublikası Təhsil Nazirliyinin portal.edu.az saytına daxil olmalı, orada “Ali və orta ixtisas təhsil müəssisələrinin tələbə qəbulu və qeydiyyatı” xidmətini seçərək, təlimatlara uyğun olaraq qeydiyatdan keçməlidirlər.