Ankara Universiteti 2027-ci ilin yaz semestri üzrə tələbə mübadiləsi proqramında iştirak etmək istəyən tələbələr üçün müraciət qəbul edir.

Mübadilə proqramı çərçivəsində tələbələr Türkiyənin nüfuzlu ali təhsil müəssisələrindən biri olan Ankara Universitetində bir semestr təhsil almaq, akademik bilik və bacarıqlarını inkişaf etdirmək, həmçinin beynəlxalq təcrübə qazanmaq imkanı əldə edə bilərlər.

· Müraciət və təhsil müddəti

Müraciət üçün son tarix: 15 noyabr 2026-cı il

Təhsil müddəti: Fevral – İyun 2027

· Tələb olunan sənədlər

Müraciət üçün aşağıdakı sənədlər təqdim edilməlidir:

Tələbənin təhsil aldığı universitet tərəfindən verilmiş rəsmi namizədlik məktubu;

Türk və ya ingilis dili biliyini təsdiq edən, minimum B2 səviyyəsini göstərən sertifikat (TOEFL iBT və ya PTE Academic);

Qiymətləndirmə və kredit sisteminin izahı daxil olmaqla, ingilis dilində ən son rəsmi akademik transkript;

Pasportun rəngli surəti;

Son dövrdə çəkilmiş fotoşəkil.

· Müraciət qaydası

Bütün müraciət sənədləri universitetin Beynəlxalq Əlaqələr Şöbəsi vasitəsilə təqdim olunmalıdır. Fərdi müraciətlər qəbul edilmir.

· Müraciət linki:

https://ttoportal.ankara.edu.tr/form/internationalStudent?key=9862153c-2e52-4e35-96fd-46fe1e36f4f1

Sənədlərin skan edilmiş nüsxələri, həmçinin, e-poçt vasitəsilə göndərilməlidir.

· Fənlər kataloqu

Tədris proqramları və fənlərin məzmunu ilə tanış olmaq üçün Ankara Universitetinin Bolonya Fənlər Kataloquna keçid edə bilərsiniz:

https://bologna.ankara.edu.tr/programlar

· Əlavə məlumatlar

Türk dili kursları: İstəyən tələbələr Ankara Universitetinin Türk Dili Mərkəzində (TÖMER) türk dili kurslarında iştirak edə bilərlər.

Yerləşmə: Kampus daxilində yataqxana imkanları mövcuddur. Yerləşmə şərtləri tərəfdaş universitetlər arasında bağlanmış ikitərəfli sazişdən və mövcud imkanlardan asılıdır.

Tibbi sığorta: Türkiyədə qalma müddətini tam əhatə edən etibarlı tibbi sığortanın olması tələb olunur.

Yaşama icazəsi: Tələbələrə Türkiyəyə gəlməzdən əvvəl yaşama icazəsi prosedurları ilə tanış olmaq tövsiyə olunur: https://e-ikamet.goc.gov.tr

İnternet və kompüter imkanları: Universitet binalarında pulsuz Wi-Fi xidməti və tələbələrin istifadəsi üçün internetə çıxışı olan kompüterlər mövcuddur.

Ankara Universitetində beynəlxalq akademik təcrübə qazanmaq və yeni imkanlardan yararlanmaq istəyən tələbələrimizi müraciət üçün tələb olunan sənədləri vaxtında hazırlamağa dəvət edirik.