İndoneziya hökumətinin təsis etdiyi KNB təqaüd proqramı (İnkişaf etməkdə olan ölkələrin əməkdaşlığı proqramı) bakalavriatura, magistratura və doktorantura təhsili üzrə sənəd qəbulu elan edir.

Təqaüd proqramına 2026/2027-ci tədris ili üzrə sənəd qəbulu 02 fevral – 31 mart 2026-ci il tarixlərində aparılacaqdır.

Təqaüd proqramına müraciət etmək üçün aşağıdakı sənədlər tələb olunur:

- onlayn formatda doldurulmuş ərizə forması,

- attestat (yalnız bakalavriat təhsili üçün) / diplomun/diplomların surəti,

- diploma əlavənin surəti,

- motivasiya məktubu,

- müraciət edənin bitirdiyi təhsil müəssisəsindən tövsiyə məktubu,

- elmi rəhbərin tövsiyə məktubu (yalnız doktorantura təhsili üçün),

- İndoneziya Səfirliyindən tövsiyə məktubu,

- ingilis dili üzrə sertifikat (IELTS və ya TOEFL),

- pasportun surəti.

Bütün sənədlər ingilis dilində (və ya İndoneziya dilində) təqdim edilməlidir.

Təqaüd proqramı aşağıdakı öhdəlikləri üzərinə götürür: təhsil haqqı, aylıq təqaüd, yol xərcləri, sağlamlıq sığortası.

Qeydiyyat üçün aşağıdakı keçidə daxil olun: http://knb.kemdiktisaintek.go.id

Əlavə məlumat üçün İndoneziya Araşdırmalar Mərkəzinə müraciət edə bilərsiniz.