Dr. Summaira Sarfraz

Professor (İngilis dili) 

Humanitar elmlər fakültəsinin dekanı

Kompüter və İnkişaf etməkdə olan Elmlər Milli Universiteti. Pakistan

                                                              

Korpus Dilçiliyinə Baxış. Dilin öyrənilməsinə Korpus-əsaslı yanaşma.

Korpus dilçiliyi sürətlə inkişaf edən yeni bir sahədir. Veb əsaslı kompüter resursları inkişaf etdikcə, tərcüməçilər, dil öyrənən tələbələr və dilçilər indi mürəkkəb korpus təhlilinə daxil ola bilər. Dillərin təbiətini, quruluşunu və tətbiqini təsvir etmək üçün korpus dilçiliyi yazılı və şifahi mətnləri toplayır və təhlil edir. Fonologiya, qrammatika və diskurs da daxil olmaqla bütün dil səviyyələrini tədqiq edən korpus dilçiliyi mətnlərdən linqvistik təsvirin empirik əsası kimi istifadə edilməsinin uzun tarixinə malikdir. Dilin tədrisində korpusun tətbiqi dil müəllimləri tərəfindən istifadə edilən yeni strategiyadır. Korpuslar öyrəncilərə dil bacarıqlarının yaranmasında və təkmilləşdirməsində kömək edir və onların tədqiqat bacarıqlarını inkişaf etdirir.

 

Məruzəçi

Dr.Summaira Sarfraz Kompüter və İnkişaf etməkdə olan Elmlər Milli Universitetində 1996-cı ildə fəaliyyət göstərməyə başlamışdır. Onun maraq dairəsi elektron tədris resurslarının hazırlanmasına diqqət yetirərək ingilis dilinin tədrisinə kommunikativ yanaşmanın inkişaf etdirilməsidir. 

Onun ixtisas sahəsi Kompüter Əsaslı Dil Öyrənilməsidir (CALL). Dr.Sarfraz iyirmi ildən çoxdur ki, multidissiplinar İKT əsaslı tədris resurslarının inkişafı üzərində işləyir və universitetdə ən müasir İngilis dili Ünsiyyəti Laboratoriyaları yaratmışdır.  O, bu yaxınlarda İnformasiya Texnologiyaları Nazirliyinin İKT Tədqiqat və İnkişafı tərəfindən maliyyələşdirilən emosional yazıda kohezivliyin inkişaf etdirilməsi üçün metod hazırlayıb. Dr.Summaira 2015-ci ildə Çarlz Uollas Tədqiqat Təqaüdünü qazanmışdır. O, Londonun Queen Mary Universitetində təqaüd proqramını başa vurduqdan çalışdığı universitetdə ilk dəfə olaraq Tətbiqi Dilçilikdə  magistr dərəcə proqramını  yaratmışdır. Onun milli və beynəlxalq səviyyədə nəşr olunmuş əsərləri var. Hal-hazırda Dr Summaira Sarfraz FAST Kompüter və İnkişaf etməkdə olan Elmlər Milli Universitetində Humanitar Elmlər Fakültəsinin dekanı vəzifəsində çalışır.