Daxili nəzarət – universitetin maliyyə, strateji və akademik təşəbbüslərlə bağlı məqsədlərinə çatmasını təmin etmək üçün tətbiq olunan prosedurlardır. Səmərəli daxili nəzarət sistemi fəaliyyətin effektivliyini artırır, qanunvericilik, normativ aktlar və universitetin daxili qaydalarına əməl olunmasını təmin edir, həmçinin dələduzluq və sui-istifadə hallarının qarşısını almağa yönəlib.

Gündəlik tətbiq olunan bəzi daxili nəzarət prosedurlarına aşağıdakılar daxildir:

Masanızdan uzaqlaşdığınız zaman ofisinizin kilidlənməsi

Aylıq maliyyə hesabatlarının yoxlanılması və əməliyyatların düzgünlüyünün təsdiqlənməsi

Müəyyən sənədlərin imzalanması üçün əvvəlcədən icazənin alınması

 

Daxili nəzarət növləri

 

Daxili nəzarətlərin əksəriyyəti profilaktik (qarşısını alan) və detektiv (aşkarlayan) nəzarət olaraq iki yerə ayrılır:

Profilaktik nəzarətlər- Əvvəlcədən səhvlərin və ya pozuntuların baş verməsinin qarşısını almaq üçün nəzərdə tutulub. Məsələn:

Universitetin siyasət və prosedurlarının, o cümlədən saatlıq əmək haqqı alan işçilər üçün iş vaxtının uçotu qaydalarının öyrənilməsi və onlara əməl olunması Federal Ədalətli Əmək Standartları Aktının pozulmasının qarşısını alır.

Detektiv nəzarətlər- Səhv və ya pozuntular baş verdikdən sonra onların vaxtında aşkar edilməsi məqsədilə həyata keçirilir. Bu nəzarətlər universitet üçün risk daşıyan halları müəyyən etmək üçün mütəmadi əsasda aparılır. Məsələn:

Müəyyən bir məkanda saxlanılan kompüter avadanlıqlarının illik fiziki inventarizasiyası onların yerində olub-olmamasını müəyyənləşdirir və oğurluq və ya itki halları araşdırılır.

 

Effektiv daxili nəzarət mexanizmlərinin yaradılması fakültə və ya struktur bölmələrin daha səmərəli və məhsuldar fəaliyyətinə kömək edir və onların məsul olduqları proseslərin və nəticələrin qorunmasına müəyyən səviyyədə zəmanət yaradır.

 

İşçilərin daxili nəzarətdə rolu

Universitetin bütün əməkdaşları daxili nəzarət prosesində müəyyən rol oynayırlar. Fərdin məsuliyyəti onun universitetdəki vəzifəsindən və iştirak səviyyəsindən asılıdır:

Ali rəhbərlik – dürüstlük, etik davranış, səriştəlilik və müsbət nəzarət mühitinin mövcudluğunu təmin edir.

Fakültə dekanları və şöbə rəhbərləri – öz bölmələrində daxili nəzarətlərin yaradılması və onların davamlı saxlanılmasına cavabdehdirlər.

Digər əməkdaşlar – rəhbərlik tərəfindən müəyyən edilmiş nəzarət prosedurlarını icra edirlər və onların düzgün həyata keçirilməsinə cavabdehdirlər.