Azərbaycan Dillər Universitetinin (ADU) Ümumi dilçilik kafedrasının dosenti fil.f.d Zenfira Quliyevanın süni dillər haqqında elmi praktiki seminarı keçirilib.

Kafedra müdiri prof.fil.e.d. Azad Məmmədov kafedrada keçirilən tədbirlərdən danışıb və həmin tədbirlərə gənc müəllimlərin də cəlb olunduğunu bildirib.

Sonra dosent fil.f.d Zenfira Quliyeva süni dillər haqqında prezentasiya ilə çıxış edib. Çıxışında süni dillərin yaranma tarixindən danışan dosent müxtəlif dillər əsnasında yarandığından bəhs edib, iştirakçılara süni dil-Esperanto dilində olan sözləri araşdırmağı tövsiyə edib.

Təqdimat müzakirələrlə davam edib.

Müzakirələrdə Ümumi dilçilik kafedrasının və XDTM kafedrasının üzvləri, eyni zamanda Magistratura şöbəsinin magistrantları iştirak ediblər.