Azərbaycan Dillər Universitetində (ADU) fəaliyyət göstərən dil və mədəniyyət mərkəzlərinin birgə təşkilatçılığı ilə universitetin tələbələri arasında müxtəlif dillərdə “Zəfər yolu” adlı inşa müsabiqəsi keçirilib.

 Müsabiqənin keçirilməsinin əsas məqsədi tələbələrin 44 günlük Vətən müharibəsində qazanılmış zəfər haqqında öz düşüncələrini qələmə almaq və yazı bacarıqlarını inkişaf etdirməkdir.

Müsabiqədə iştirak edən 26 tələbə Azərbaycan, ingilis, rus, İndoneziya, ibri, ərəb, Koreya və ispan dillərində inşalar təqdim edib.

Bildirilib ki, müsabiqənin nəticələri noyabr ayının sonunda elan olunacaq. Qalib iştirakçılara diplom və sertifikatlar təqdim olunacaq.