Azərbaycan Dillər Universitetinin İngilis və Fransız dilləri fakültəsi İngilis dilinin tədrisi metodikası kafedrasının müəllimləri, b.m Aytən Kazımova, m.Aygül Eyyubova və m.Könül Həsənzadə İngilis və alman dilləri fakültəsinin 3-cü kurs tələbələrinin birgə təşkilatçılığı ilə "Zəfər Yolunda" adlı tədbir keçirilib.

Tədbirdə kafedra müdiri dos.ped.f.d.Günay Şirəliyeva, fakültə dekanı dos.fil.f.d.Vəfa Babayeva, dekan müavini dos.t.f.d.Namiq Əsədov iştirak etdilər.

Tədbirdə öncə Azərbaycan Respublikasının Dövlət Himni səsləndirilib, sonra 44 günlük Vətən müharibəsinin şəhidləri 1 dəqiqəlik sükutla yad edilib.

 Tədbiri giriş nitqi ilə kafedra müdiri dos.ped..f.d.Günay Şirəliyeva  açıq elan edib.

Tədbirin xüsusi qonağı, 44 günlük Vətən müharibəsi qazisi Ramin Şirinov müharibə zamanı canlı şahidi olduğu hadisələri tələbələrlə bölüşüb.

Şəhidlərə ehtiram olaraq Xudayar təsnifi ifa olunub.

Tədbir məqsədi gənclərin vətənpərvərlik ruhunu gücləndirərək onlara milli dəyərlərin əhəmiyyətini bir daha xatırlatmaqdır.

Tədbirin sonunda dos.ped.f.d.Günay Şirəliyeva və fakültənin dekanı dos.fil.f.d.Vəfa Babayeva Zəfər günü ilə bağlı öz fikirlərini söyləyiblər.

 Dosent Vəfa Babayeva çıxışında I və II Qarabağ müharibəsi dövründə ordumuzun və xalqımızın göstərdikləri qəhrəmanlıq və fədakarlıqlardan bəhs edib. Təməli Ulu öndər Heydər Əliyev tərəfindən qoyulan müasir müstəqil Azərbaycan Respublikasının Prezident İlham Əliyevin uğurlu siyasəti, müdrik qərarları sayəsində qüdrətli bir dövlətə çevrilməsi, qüdrətli dövlətimiz, müzəffər xalqımız tariximizin heç bir mərhələsində görünməyən uğura imza atması ilə bağlı çıxış edib.