Azərbaycan Dillər Universitetinin İngilis və alman dilləri fakültəsinin nəzdində İngilis dilinin leksikologiyası kafedrasının baş müəllimi, fəlsəfə doktoru Nigar Bağırovanın təşkilatçılığı, 208 b qrupunun təqdimatında "Understanding COP And Its Influence" adlı tədbir keçirilib.
Tədbirdə tələbələr COP29-un mahiyyəti, Cənab Prezidentimiz İlham Əliyev, 1-ci vitse- prezident Mehriban Əliyeva və qızları, Leyla Əliyevanın COP29-a göstərdikləri diqqət, İDEA təşkilatı və Heydər Əliyev Fondunun həyata keçirdiyi tədbirlər, iqlim dəyişiklikləri və onların fəsadları ilə bağlı çıxış ediblər. Bununla yanaşı, tələbələr gənc olaraq "Yaşıl Dünya naminə həmrəylik İli" ilə bağlı tədbirlərin keçirilməsindən, bu yöndə atılan və gələcəkdə həyata keçiriləcək tədbirlərdən danışıblar. 208 b qrupu adından həmrəyliklərini göstərmək üçün universitetin həyətində ağac və dekorativ güllər əkiblər. Tədbirin sonunda "Təbiətin nəfəsi" şeiri ifa edilib.
Tədbirdə universitetin rektor məsləhətçisi Anar Osmanlı, fakültə dekanı, dosent Naibə Camalzadə, İngilis dilinin leksikologiyası kafedrasının müdiri, professor Fikrət Cahangirov, kafedra müəllimləri- fəlsəfə doktoru Ülviyyə Əhmədovą, baş müəllimlər Kəmalə Dünyamalıyeva, Günay Ağayeva, Elektron qeydiyyat şöbəsinin müdiri, fəlsəfə doktoru Aygün Rüstəmzadə, dekan müavini Lalə Həsənova, tyutor Pərvin Abbaslı və tələbələr iştirak ediblər.