Azərbaycan Dillər Universitetində (ADU) Tələbələrlə iş və tədbirlərin təşkili şöbəsi və “İrəli” İctimai Birliyinin birgə təşkilatçılığı ilə “Qərbi Azərbaycan mədəniyyətinin təbliğində gənclərin rolu” mövzusunda ictimai müzakirənin proqramı təqdim olunub.

Öncə Dövlət Himni səsləndirilib.

Xalqımızın Ümumilli lideri Heydər Əliyev və vətən uğrunda canından keçmiş şəhidlərimizin əziz xatirəsi bir dəqiqəlik sükutla yad edilib.

Tədbirin aparıcısı Nigar Nuri qonaqları salamlayıb, tədbirin mahiyyətindən söz açıb.

ADU-nun BM və Regionşünaslıq fakültəsinin dekanı, professor İbrahim Kazımbəyli açılış nitqi ilə çıxış edib.

Qeyd olunub ki,  Qərbi Azərbaycan zəngin tarixi ilə yanaşı, qədimdən bəri fərqli mədəniyyətlərin birləşdiyi bir məkan olub.

Bildirilib ki, bu diyarın tarixi, mədəniyyəti, ədəbiyyatı Azərbaycan xalqının qürur mənbəyidir.

Daha sonra çıxış edənlər: “İrəli” İctimai Birliyinin sədri Şahin Rəhmanlı, Qərbi Azərbaycan  İcmasının  idarə  heyətinin üzvü, fəlsəfə doktoru  Mirfaiq Mirheydərli və Azərbaycan Respublikasının  Əməkdar incəsənət xadimi, kinorejissor Ayaz Salayev mövzu ətrafında fikirlərini səsləndiriblər.

Tədbir tələbələrin hazırladığı  “Azərbaycan” adlı bədii kompozisiya ilə davam edib.