Beynəlxalq reytinq cədvəllərində (QS rankings, Times Higher Education) dünyanın ən nüfuzlu universitetləri sırasına daxil olan Azərbaycan Dillər Universitetinin 2024/2025-ci tədris ilində bakalavriat pilləsi üzrə qəbul planı 99,02% dolub. Universitet üzrə orta bal göstəricisi 425-430 baldır.

Nəzərə alsaq ki, Azərbaycan Dillər Universitetinə  yalnız III ixtisas qrupundan qəbul aparılır, böyük qürur və fəxr hissi ilə möhtəşəm nəticəmizi Sizinlə paylaşırıq!
Tələbə adını qazanan bütün gənclərimizi təbrik edirik! 

  

ADU-ya qəbul olan tələbələrin nəzərinə! 
Hörmətli tələbələr,
Sizə dəstək məqsədilə ADU-da Sənəd qəbulu komissiyası yaradılıb. Onlayn qeydiyyat zamanı yaranmış çətinlikləri aradan qaldırmaq və sizin suallarınızı cavablandırmaq məqsədilə komissiya 28 avqust 2024-cü ildən - 6 sentyabr 2024-cü il tarixinədək saat 10:00-dan axşam saat 16:00-a qədər fəaliyyət göstərəcək. 
Bildiyimiz kimi, 28 avqust saat 11:00-da Azərbaycan Dillər Universitetinin bakalavriat səviyyəsi üzrə qəbul olunanlar üçün qeydiyyat prosesinə start veriləcək. Abituriyentlər https://portal.edu.az/ platformasında “Ali və orta ixtisas təhsili pilləsinə təhsilalan qeydiyyatı” xidmətini seçməklə müraciət edə bilərlər. Açılan səhifədə şəxsi və qəbul məlumatlarının təsdiqi, həmçinin tələb olunan sənədlərin əlavə edilməsi mümkündür. Elektron sistem üzrə qeydiyyat 6 sentyabr saat 18:00-da başa çatacaq. 
Bununla yanaşı, portal üzrə qeydiyyatdan keçən tələbələr YALNIZ təsdiq aldıqdan sonra aşağıda qeyd olunan sənədlərlə birlikdə Azərbaycan Dillər Universitetinə yaxınlaşmalıdırlar : 
Fotoşəkil  3x4 ölçüdə
Şəxsiyyət vəsiqəsi 
Attestat 
Sağlamlıq haqqında arayış (Forma 86)
Yaşayış yerindən arayış
Tərcümeyi hal
Müvafiq xidmət vasitəsilə qeydiyyatdan keçməyən və təhsil müəssisəsindən təsdiq almayan şəxslər qəbul olunanların siyahısından xaric ediləcəklər. 
Sənəd qəbulu komissiyası Azərbaycan Dillər Universitetinin Əsas binasının  (Rəşid Behbudov, 134) Oxu zalında yerləşir. 
Tələbə adını qazanan gənclər ADU ailəsinə xoş gəldiniz.