Minsk Dövlət Linqvistik Universiteti nəzdindəki “Azərbaycan dili və mədəniyyəti mərkəzi”ndə 9 May- faşizm üzərində Qələbə günü münasibəti ilə “Uzaq sahillərdə” filminə baxış keçirilib.

Filmin nümayişindən əvvəl, Azərbaycan Dillər Universitetinin Regionşünaslıq kafedrasının dosenti Rəna Rəcəbli faşizm üzərində Qələbənin əldə olunmasında Azərbaycanın oynadığı əhəmiyyətli roldan və müharibə illərində Azərbaycan xalqının həm cəbhə bölgələrində, həm də arxa cəbhədə göstərdiyi böyük qəhrəmanlıq və igidlikləri haqqında məlumat verib. 

 Dosent Rəna Rəcəbli filmin azərbaycanlı partizan Mixaylo ləqəbi ilə düşməni qorxuya salan leytenant, kəşfiyyat-təxribat qrupunun rəhbəri, bir neçə dil bilən, Sovet İttifaqı Qəhrəmanı Mehdi Hüseynzadəyə həsr olunduğunu qeyd edib.

Filmin nümayişindən sonra tamaşaçılar film haqqında öz təəssüratlarını bölüşüb, Azərbaycan qəhrəmanları haqqında əldə etdikləri məlumatlardan danışıblar.