Azərbaycan Dillər Universitetində (ADU) Linqvokulturologiya kafetdrasının təşəbbüsü, baş müəllimi Dinara Muxtarovanın təşkilatçılığı və Təhsil-1 fakültəsinin 311B qrup tələbələrinin iştirakı ilə Ulu Öndər Heydər Əliyevin 101 illiyinə həsr olunmuş "Mən Azərbaycanlıyam" adlı tədbir keçirilib. 

Tədbirdə lingvokulturologiya kafedrasının müdiri dos. Vüsalə Ağabəyli, rektor müşaviri Anar Osmanlı, Təhsil-2 fakultənin dekanı Salman müəllim, Təhsil-1 fakultəsinin nümayəndələri,  digər müəllimlər və tələbələr iştirak ediblər.

Qonaq qismində isə İkinci Qarabağ Müharibəsində şəhidlik zirvəsinə ucalan Mirsüleyman Süleymanovun və Leytenant Murad Nağıyevin anaları da və həmin şəhidlərin təhsil aldığı 271 nömrəli məktəbin təlim-tərbiyə işləri üzrə direktor müavini Ruxsarə Əlizadə iştirak ediblər.

Tədbir “Tarix”, “Ədəbiyyat” və “Mədəniyyət” adlı üç hissədən ibarət olub. Bu üç hissəli tədbirdə tələbələr şeirlər söyləyərək, səhnəciklər nümayi. Etdirərək Vətən uğrunda canından keçən və Şəhidlik Zirvəsinə ucalan şəhidlərimizi, dahi şairlərimizi, bəstəkarlarımızı, aktyorlarımızı hörmətlə yad ediblər.

Tədbirin sonunda kafedra müdiri dosent Vüsalə Ağabəyli, rektorun məsləhətçisi Anar Osmanlı tədbirlə bağlı fikirlərini söyləyib, tədbir iştirakçılarına təşəkkürünü bildiriblər.