Azərbaycan Dillər Universitetində (ADU) Psixologiya kafedrasının təşkilatçılığı ilə “Təhsildə sosial-psixoloj xidmət ixtisası üzrə kadr hazırlığının təkmilləşdirilməsinin cari problemləri,perspektiv vəzifələrivə əmək bazarının tələbləri” mövzusunda  dəyirmi masa keçirilib.

Dəyirmi masada Psixologiya kafedrasının müdiri Ceyhun Alıyev və kafedranın əməkdaşları, rektorun müşaviri dos. Anar Osmanlı, Tədris Departamentinin müdiri dos. Şəfəq Şahməmmədova, Pedaqogika kafedrasının müdiri dos. Nigar Zeynalova, Təhsil – 2 fakültəsinin dekanı dos. Salman Nuriyev, dekan müavini dos.Namiq Əsədov  və təhsildə sosial – psixoloji xidmət ixtisası üzrə təhsil alan IV kurs tələbələri iştirak ediblər.

 Qonaq qismində isə ADPU-nun “Ümumi psixologiya” kafedrasının müdiri prof.Ramiz Əliyev, Bakı Dövlət Universiteti Pedaqoji psixologiya kafedrasının dosenti Müşviq Mustafayev, Odlar Yurdu Universiteti Sosial və pedaqoji psixologiya kafedrasının müdiri prof.Rəşid Cabbarov, Təhsil İnstitutu Psixologiya və xüsusi təhsil şöbəsinin müdiri prof.Elxan Bəylərov, Bakı Slavyan Universitetinin dosenti Gülnarə Həsənova, ADPU-nun Şəki filialının dosenti Nurəli Çələbiyev, 27 saylı məktəbin psixoloqu Leyla Məmmədova iştirak ediblər.

Öncə mövzu haqqında ətraflı məlumat verilib, sonra isə qonaqların fikirləri dinlənilib.