Azərbaycan Dillər Universitetinin Nəsimi rayonunda yerləşən Ağabəy Novruzbəyli adına 46 nömrəli tam orta məktəbdə Filologiya fakültəsi nəzdində Xarici dillərin tədrisi metodikası kafedrasının müəllimi  Elfinaz Davudova və Təhsil 2 fakültəsi nəzdində Pedaqogika kafedrasının müəllimi  Mehparə Əliyevanın rəhbərliyi ilə Təhsil 2 fakültəsinin təcrübəçi tələbələri  Aynaz Şərif (417a), Aydan Məmmədli (417a), Nuranə Sərkərova (417a), Zeynəb Məmmədzadə(417a) və  Fidan Nəsiblinin (417a) təşkilatçılığı və  6a və 9b şagirdlərinin iştirakı ilə Ümumilli lider Heydər Əliyevin 101 illiyinə həsr olunmuş anım tədbiri keçirilib.

Tədbirdə məktəb direktoru  Sevinc Budaqova, müavini Gülnarə İsmayılova, eyni zamanda, məktəbin digər ingilis dili müəllimləri də iştirak ediblər.

 Öncə Azərbaycan Respublikasının Dövlət Himni səsləndirilib, sonra  tədbirin aparıcıları Heydər Əliyevin həyat və yaradıcıllığı ilə bağlı məlumat veriblər.

Bədii hissədə şagirdlər ingilis və azərbaycan dilində Ulu öndər və Azərbaycana aid şeirlər söyləyib, milli rəqslər nümayiş ediblər. Həmçinin,  “Sən elə bir zirvəsən” adlı mahnısı xor şəkildə ifa olunub.

Tədbirin sonunda məktəb direktoru və ingilis dili məllimi tədbirdə əməyi keçən hər kəsə təşəkkürlərini bildirib, şagirdlərə uğurlar arzulayıblar.

Tədbirin sonunda iştirakçılara sertifikat təqdim edilib.