Azərbaycan Dillər Universitetində Rusiya Maarif Nazirliyinin Açıq Təhsil Mərkəzi öz işini davam etdirir. Mərkəzin fəaliyyətinin aktual məsələləri və əməkdaşlığa dair planlar ÇDPU-nun elmi və beynəlxalq fəaliyyət üzrə prorektoru T.A.Avtayeva və Rus dili və onun tədrisi metodikası kafedrasının müdiri R.A.Buralovanın Azərbaycan Respublikasına işgüzar səfəri gedişində müzakirə edilmişdir. Ali məktəbin rəhbərliyi, respublikanın pedaqoji ictimaiyyət nümayəndələri ilə məsləhətləşmələr nəticəsində mərkəzin fəaliyyətinin perspektiv istiqamətləri və iş planı müəyyənləşdirilmişdir.

2024-cü ildə mərkəzdə rus dilində təhsilin diqqət mərkəzində olacağı təhsil kurslarının və tədbirlər proqramının həyata keçirilməsi planlaşdırılır: buraya geniş dinləyici auditoriyası - o cümlədən, ali təhsil müəssisəsinin pedaqoji yönümlü fakültələrinin professor-müəllim heyəti, tələbələri cəlb olunacaqlar.

4 mart tarixində mərkəzdə "Dillərin dialoqu - mədəniyyətlərin dialoqu" adlı maarifləndirici tədbir baş tutmuşdur. Layihənin rəhbəri, Rusiya "Bilik" cəmiyyətinin mühazirəçisi R.A.Buralova iştirakçıları rus və Azərbaycan xalqlarının linqvomədəniyyətlərinin xüsusiyyətləri haqqında diskussiyaya cəlb etmişdir.