ADU-da şahmat idman növü üzrə yarış keçirilib
30-31 oktyabr 01-03 noyabr tarixlərində Azərbaycan Dillər Universitetində (ADU) Ulu öndər Heydər Əliyevin anadan olmasının 100-cü ildönümünə həsr olunmuş universitetdaxili müəllim və tələbələr arasında şahmat idman növü üzrə yarış keçirilib.
Noyabrın 3-də yarışın mükafatlandırma tədbiri keçirilib.
Tədbirdə əvvəlcə Dövlət Himni səsləndirilib.
Tədbiri açıq elan edən universitetin Filologiya fakültəsinin 2 kurs tələbəsi, ADU-nun nəzdində fəaliyyət göstərən Tələbə Gənclər Təşkilatının (TGT) mətbuat katibi Ayan Əhmədzadə Ulu öndər Heydər Əliyevin fəaliyyəti və idman sahəsində gördüyü işlər üzrə məruzə edib.
ADU-nun rektoru, akademik Kamal Abdulla qalibləri təbrik edib, yarış təşkilatçılarına təşəkkürünü bildirib, tələbələrin şahmata olan marağını yüksək qiymətləndirib.
Qaliblər diplom, kubok və medallarla təltif olunublar.
Müəllimlər arasında 1-ci yerə Əli Məmmədov, tələbələr arasında 1-ci yerə Təhsil 2 fakültəsinin 4 cü kurs tələbəsi Şahin Hacıyev, müəllimlər arasında 2-ci yerə Qızılgül Şirəlizadə, tələbələr arasında 2-ci yerə BMR fakültəsinin 1-ci kurs tələbəsi Yasəmən Məmmədova, müəllimlər arasında 3-cü yerə idman klubunun məşqçi-müəllimi Ramil Mahmudov, tələbələr arasında 3-cü yerə Filologiya fakültəsinin 1-ci kurs tələbəsi Ülviyyə Novruzzadə layiq görülüb.