ADU-da qısametrajlı sənədli filmin təqdimatı keçirilib
Oktyabrın 31-də Azərbaycan Dillər Universiteti (ADU) “Xankəndi həqiqətlərinin əcnəbi tələbə və gənclər vasitəsi ilə beynəlxalq aləmdə təbliği”- qısametrajlı sənədli filmin (Azərbaycan və ingilis dilində) təqdimatı keçirilib.
Bildirilib ki, “Xankəndi” Məcburi Köçkünlərə Dəstək İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Xankəndi həqiqətlərinin əcnəbi tələbə və gənclər vasitəsi ilə beynəlxalq aləmdə təbliği”- qısametrajlı sənədli film (Azərbaycan və İngilis dilində) hazırlanması mövzusunda növbəti layihəni uğurla icra edib.
Layihənin əsas məqsədi əcnəbi tələbə və gənclərin erməni vəhşiliklərini görən qan yaddaşlı xankəndlilərlə görüşünü təşkil etmək, ermənilərin törətdikləri faciələri və Xankəndi haqqında həqiqətləri onlar vasitəsi ilə beynəlxalq aləmdə təbliğ etməkdir.
Layihə çərçivəsində hazırlanmış filim layihənin məqsədinə uyğun olaraq hazırlanmış və Xankəndində erməni şovinistləri tərəfindən azərbaycanlı sakinlərə qarşı edilmiş işgəncələrdən bəhs edir.
Layihənin təqdimat mərasimində Azərbaycan Dillər Universitetinin müəllim və tələbə heyəti, film çəkilişində iştirak edən əcnəbi tələbələr- Adil Süleymanov (Qazaxıstan), Demirəl Elifnaz (Türkiyə), Umar Mühammad Mehmood Azhar (Pakistan), Waung Kaibo (Çin), Fidan Allahverdiyeva (Türkmənistan), İnas Lahec (Əlcəzirə), Kibriyo İnomova (Özbəkistan), televiziya və media nümayəndələri, 2010-2020 -ci il illərdə Xankəndindən seçilmiş deputat , Milli Qəhrəman Şirin Mirzəyevin ömür gün yoldaşı Flora Qasımova, “Sağlam İnkişaf və Maarifləndirmə” İctimai Birliyinin sədri Anar Xəlilov, “Türküstan Media Group”un baş redaktoru Aqil Camal , Azərbaycan Dövlət Televiziyasının şöbə müdürü Firuzə Nadir, “Xocalı Təcavüzünün Tanıdılması “İctimaı Birliyinin sədri Səriyyə Cəfərova , QHT nümayəndələri, Xankəndi sakinləri iştirak ediblər.
Film nümayişindən sonra tələbələrlə diskussiya keçirilib.