Fevralın 22-də Azərbaycan Dillər Universitetində Beynəlxalq münasibətlər və regionşünaslıq fakültəsinin təşkilatçılığı ilə “Azərbaycanın uğurlu xarici siyasətinin həyata keçirilməsində Heydər Əliyevin rolu” mövzusunda elmi-praktik seminar keçirilib.

Beynəlxalq münasibətlər  və regionşünaslıq  fakültəsi dekanı  prof. İbrahim Kazımbəyli Heydər Əliyevin anadan olmasının 100 illiyi ilə bağlı keçirilən silsilə tədbirlərin əhəmiyyətindən danışıb,  Heydər Əliyevin Azərbaycanın xarici siyasətindəki yeri, beynəlxalq təşkilatlarla qurduğu münasibətləri haqqında məlumat verib.

Beynəlxalq münasibətlər kafedrasının dosenti Samirə İmanova  Ümummilli lider Heydər Əliyevin dövründə xarici siyasətin prinsipləri, prioritetləri və istiqamətləri barədə söz açıb. Azərbaycanın Qərb, qonşu dövlətlər və beynəlxalq təşkilatlarla  əlaqələrinin yaradılması, inkişafı və  Azərbaycanın neft strategiyası  barəsində çıxış edib.  Tədbir dos. S. İmanovanın çıxışı ətrafında müzakirə ilə davam edib.

Çıxış ətrafında danışan  ADU-nun Elm və innovasiyalar üzrə prorektoru prof. Novruz Məmmədov  Ümummilli lider Heydər Əliyevlə birlikdə getdiyi  xarici səfərlərdən söz açıb, uluöndərlə  olan xatirələrini bölüşüb.

ADU-nun  Tədris məsələləri üzrə prorektoru  prof. Sevinc Zeynalova  bu günki tədbirlərin əhəmiyyətini vurğulayıb, onların interaktiv formada keçirilməsini məqsədəuyğun hesab edib.

  Beynəlxalq münasibətlər və regionşünaslıq  fakültəsinin dekan müavini  Əli Məmmədov Ermənistan-Azərbaycan, Dağlıq Qarabağ münaqişəsi istiqamətində Heydər Əliyevin rolu ilə bağlı fikirlərini bölüşüb.