Azərbaycan Dillər Universitetində Beynəlxalq jurnalistika şöbəsinin təşkilatçılığı ilə “Şanlı Zəfər

günü” mövzusunda tədbir keçirilib.

Tədbirdə Azərbaycan Respublikasının Dövlət Himni səsləndirilib və şəhidlərin xatirəsi bir

dəqiqəlik sükutla yad edilib.

Tədbirin moderatoru, universitetin jurnalistika ixtisası üzrə təhsil alan I kurs tələbəsi Əfşanə

Əlizadə tədbirin mahiyyətindən danışıb.

Beynəlxalq jurnalistika şöbəsinin müdiri b/m. Nərgiz Qurbanlı ordumuzun rəşadəti sayəsində 44

günlük müharibədə qazanılan tarixi qalibiyyətdən bəhs edib. O, I və II Qarabağ müharibəsi

şəhidlərini yad edib, onların ailələrinə Allahdan səbir diləyib.

N.Qurbanlı I Qarabağ müharibəsində şəhid olan qardaşı haqqında da xatirələrini bölüşüb.

Azərbaycan ədəbiyyatı kafedrasının müdiri, akademik Muxtar İmanov Azərbaycanda iki əsas

məsələdən – təhsil və ordu quruculuğundan, bu sahədəki nailiyyətlərdən söz açıb.

“Birlik” Regionlararası Konqreslər Assosasiyasının vitse-prezidenti Nazir Hətəmov və rektorun

müşaviri Anar Osmanlı çıxışlarında Vətən müharibəsində qazanılan Zəfərdən və bu tarixi

qələbənin əldə olunmasında Azərbaycan xalqının fədakarlığından danışıblar.

Tədbirin sonunda qonaq- Vətən müharibəsi qazisi Nurlan Məhərrəmli müharibə xatirələrini

gənclərlə bölüşüb, tələbələrin marağına səbəb olan suallara cavab verib.