ADU-da TURFLI programı üzrə dərslər başlayıb

 

Azərbaycan Dillər Universiteti, ABŞ-ın Wisconsin-Madison Universiteti və

Amerika Təhsil Şurasının birgə əməkdaşlığı çərçivəsində keçirilən TURFLI

proqramına 18 amerikalı tələbə seçilib.

Qeyd edək ki, adıçəkilən proqram üzrə seçilmiş 18 amerikalı tələbə Azərbaycan

Dillər Universitetində türk və Azərbaycan dillərini öyrənəcəklər. Proqram 5

sentyabr 2022-ci ildən 19 dekabr 2022-ci ilə qədər davam edəcək. Proqram

vasitəsilə türk və Azərbaycan dili müvafiq olaraq, 16 saat və 4 saat tədris

olunacaq.

Eyni zamanda, tələbələr mədəni proqram çərçivəsində Xalça muzeyinə, Yaşıl

Bazara, Atəşgaha, ölkəmizin Şamaxı, Lənkəran, Şəki və Göyçay (Nar festivalının

baş tutacağı rayona) bölgələrinə səfər edəcəklər. Layihənin şərtlərinə uyğun olaraq,

tələbələr türk və Azərbaycan dillərini bilən ailələrin evlərində qalacaqlar, dil

partnyorları ilə həftədə 4 saat görüşərək dil biliklərini şifahi danışıq əsasında

təkmilləşdirəcəklər.

Əlavə məlumat üçün linkə keçid edə bilərsiz:

https://fli.americancouncils.org/fall-overseas-azerbaijan