UNEC Tələbə  Elmi Cəmiyyətinin təşkilatçılığı ilə ümummilli lider Heydər  Əliyevin  anadan  olmasının  96-cı  ildönümünə həsr olunmuş Tədqiqatçı Gənclərin Beynəlxalq Konfransı keçirilib.

Konfransda UNEC tələbələri ilə yanaşı BDU, ADU, ADPU, Qərbi Kaspi Universiteti, Türkiyə  Cümhuriyyəti  Səlcuq  Universitetinin tələbələri də  iştirak edib. Konfrans  yeddi bölmə  üzrə  (Beynəlxalq  iqtisadiyyat,  Beynəlxalq münasibətlər , Ekologiya , Turizim və  otelçilik, Humanitar elmlər, İqtisadiyyat, İqtisadiyyat və Maliyyə ) təşkil olunub.

ADU-nun Filologiya və Jurnalistika fakültəsinin 1-ci kurs tələbəsi İbrahimova Günayın mövzusu Azərbaycan  folklorşünaslığından  bəhs  edib. Azərbaycan  folklor ənənələri öz qaynaqlarını şifahi  xalq  ədəbiyyatından  alır. Məhz buna görə də folklor ədəbiyyatı şifahi xalq ədəbiyyatı ilə eyniləşir.

Bölmə iclasları tələbələrin maraqlı çıxışları ilə yadda qalıb. İclasın sonunda tələbələrə  sertifikatlar  və  konfransın  tezis materiallarının çap olunduğu kitab təqdim olunub.