Bakı Beynəlxalq Multikuluralizm Mərkəzi tərəfindən VIII Beynəlxalq Qış Məktəbi təşkil edilib. 19 ölkədən 26 tələbə Azərbaycanın Quba və Qusar rayonlarında yaşayan insanların gündəlik həyatı ilə yaxından tanış olublar.

Əsrlər boyu insanların ahəng içində yaşadığı bölgənin dini abidələrini və məbədləri ziyarət ediblər. Müxtəlif dini və etnik köklərə mənsub olmaları onların öz qonşuları ilə harmoniya və qarşılıqlı anlaşma içində yaşamalarına mane olmayıb.

Azərbaycan Dillər Universitetinin Multikulturalizm Elmi Tədqiqat Laboratoriyasının aparıcı elmi işçisi, filologiya üzrə fəlsəfə doktoru Afət Musayeva Qış Məktəbinin tələbələrinə multikulturalizmin ədəbi-bədii qaynaqları haqqında mühazirə oxuyub.

Xüsusilə, görkəmli mütəfəkkir, şair İmadəddin Nəsiminin yaradıcılığında multikulturalizm aspektləri haqqında geniş məlumat verib.