Azərbaycan Dillər Universiteti (ADU) Yeni Azərbaycan Partiyasının və Bakı Beynəlxalq Multikulturalizm Mərkəzinin dəstəyi ilə ümummilli lider Heydər Əliyevin anadan olmasının 95-ci ildönümünə həsr edilən “Heydər Əliyev: multikulturalizm və tolerantlıq ideologiyası” mövzusunda birinci beynəlxalq elmi konfransın bağlanış mərasiminə dəvət olunan İtaliyanın Kassino və Cənubi Latsio Universitetinin professoru, politoloq Alessandro Fiqus mayın 8-də ADU-nun İtalyan mərkəzində Tərcümə və Mədəniyyətşünaslıq fakültəsinin tələbələri ilə görüş keçirib.

Görüşdə qonaq Azərbaycan-İtaliya arasındakı siyasi və mədəni əlaqələrdən söhbət açıb. Professor ölkəmizdə multikultural dəyərlərə xüsusi önəm verildiyini vurğulayaraq, Azərbaycanın dünyada tolerant ölkə kimi nümunə göstərildiyini qeyd edib.

Sonda tələbələri maraqlandıran suallar cavablandırılıb.