Pedaqoji təcrübənin sonuncu günü Ağdamdan olan bir neçə müharibə iştirakçıları ilə görüş keçirilib. Çox təsirləndirici görüşdə müharibə iştirakçıları keçdikləri döyüş yollarından, düşdükləri mühasirələrdən necə çıxdıqlarından və nəhayət öz doğma yurd-yuvalarını zorla tərk etmələrindən ürək yanğısı ilə danışıb. Müharibə iştirakçılarından biri qəhərləndikdə, digəri ona dəstək verərək onun sözünü davam etdirib. Odun-alovun içindən salamat çıxan bu insanlarla üzbəüz oturub onların ağrılı-acılı xatirələrini dinlədikcə oturduğumuz zala xəfif bir sükut çökürdü.