Bu günlərdə Bakı Mühəndislik Universitetinin Tələbə Elmi Cəmiyyəti tərəfindən “III Qış Elm Festivalı” keçirilib. Azərbaycan Dillər Universitetinin Elmi əməkdaşlıq və Magistratura şöbələri festivalda Auditoriya+ proqramı çərçivəsində birgə hazırladıqları layihə ilə iştirak edib.

20-dən çox ali təhsil müəssisəsinin tələbələri və orta məktəb şagirdləri tərəfindən 100-ə yaxın layihənin nümayiş etdirildiyi festivalda magistratura pilləsində təhsil alan tələbələrimiz “Multikulturalizm şəraitində dillərin tədrisi” adlı layihə ilə III yerə layiq görülüblər. Tələbələrimiz diplom və sertifikatlarla mükafatlandırılıblar.