Azərbaycan Dillər Universitetinin (ADU) nəzdində fəaliyyət göstərən Frankofoniya Mərkəzi  ilk dəfə olaraq Parisin Lui Pastör (Louis Pasteur) İnstitutu ilə video-konfransa qoşulub.

ADU-nun fransızdilli tələbə və müəllimlərinin iştirak etdiyi konfransda Lui Pastör İnstitutunun professoru, Tibb sahəsi üzrə Nobel mükafatı laureatı  Fransuaz Barre -Sinussi  “QİÇS virusunun əlamətləri və aradan qaldırılması yolları” mövzusunda fransız dilində məruzə söyləyib. O, AİDS-QİÇS viruslarının yayılma səbəbləri, bununla əlaqədar bütün dünyada aparılan geniş tədbirlər və bu sahə üzrə öz elmi araşdırmalarından söz açıb.

Sonda Fransuaz Barre-Sinussi gəncləri bütün yoluxucu viruslardan qorunmaq üçün öncə düzgün qidalanmağa və sağlam həyat tərzi sürməyə səsləyib.