XƏBƏRLƏR

ADU-da “Möhtəşəm hesabat”

05 dekabr, 2017

Dekabrın 5-də Azərbaycan Dillər Universitetinin (ADU) Tələbə Gənclər Təşkilatının nəzdində fəaliyyət göstərən Musiqi klubu tərəfindən “Möhtəşəm hesabat” aldı hesabat xarakterli bədii tədbir keçirilib.

Tədbirdə öncə Musiqi klubunun fəaliyyəti haqqında qısa məlumat verilib. Musiqi klubunun rəhbəri, Tərcümə və mədəniyyətşünaslıq fakültəsinin tələbəsi Salman Quliyev bildirib ki, artıq universitetdə tələbələrdən ibarət xor fəaliyyətə başlayıb və retro musiqi qrupu yaradılıb.

Tədbirin bədii hissəsində universitetin tələbələrinin ifasında müxtəlif yerli və əcnəbi müsiqi nömrələri ifa olunub, universitetin “Dalğa” rəqs ansamblı tərəfindən rəqs nümunələri təqdim edilib.