Noyabrın 16-da Azərbaycan Dillər Universitetinin (ADU) Regionşünaslıq kafedrasının təşkilatçılığı ilə “Medianın müharibə və münaqişələrdə rolu” mövzusunda dəyirmi masa keçirilib.

Dəyirmi masada Regionşünaslıq kafedrasının müəllimi Ülviyyə Hüseynova medianın müharibədəki müsbət və mənfi rolundan danışıb, ənənəvi medianı sosial mediadan fərqləndirib, Britaniya, Yaponiya, Mərkəzi və Şərqi Avropa ölkələrinin timsalında nümunələr gətirib.

Fransız dilinin fonetikası və qrammatikası kafedrasının müdiri dosent Ülfət İbrahim Dağlıq Qarabağ münaqişəsinin media vasitəsilə təqdim olunmasından söz açıb.

Digər çıxışçılar - Regionşünaslıq kafedrasının müəllimləri Harun Sadıqlı və Həmidə Cəfərova Kütləvi İnformasiya Vasitələrinin ümumi xüsusiyyətləri və Dağlıq Qarabağ münaqişəsi barədə məlumat verib, ölkələrin müqayisəsini aparıblar.