Azərbaycan Dillər Universitetinin (ADU) Skandinaviya Mərkəzində Norveçin Oslo Universitetinin Beynəlxalq yay məktəbinin mühazirəçi müəllimi Torill Susanne Storvestre universitetin Skandinaviyaşünaslıq ixtisası üzrə təhsil alan II və III kurs tələbələrinə Norveç dilini tədris edib.

Tələbələr Azərbaycan və Norveç dillərinin müqayisəsi mövzusunda təqdimatla çıxış ediblər. Praktik hissədə isə Norveç dilinin qrammatikasına aid tapşırıqlar həll olunub.

Qeyd edək ki, noyabrda 13-də başlayan dərslər 17 noyabr tarixinədək davam edəcək.

Məlumat üçün bildirək ki, norveçli müəllimin dərsi ADU və Oslo Universitetinin Beynəlxalq yay məktəbi arasında 2015-2019-cu illəri əhatə edən əməkdaşlıq layihəsi əsasında gerçəkləşib.