Aprelin 26-da Azərbaycan Dillər Universitetində (ADU) İspaniyanın Mursiya Universiteti ilə əməkdaşlığa əsasən Erasmus Mundus proqramı çərçivəsində növbəti seminar keçirilib. Mursiya Universitetinin professoru Pablo Beneito “Bədii tərcümə” mövzusunda çıxış edib. İnteraktiv şəkildə keçən seminarda Şərq ədəbiyyatı ilə yaxından tanış olan professor tələbələrə Azərbaycan şairlərinin ispan dilinə tərcümə edilmiş şeirlərini təhlil edib. İspan dili kafedrasının müdiri Aynur Quliyeva və baş müəllim Rəna Əliyevanın iştirak etdiyi seminar tərcümə üzrə təhsil alan 3-cü kurs tələbələri üçün keçirilib.