XƏBƏRLƏR

ADU-da fransız dilində “Xəsis” nümayiş olunub

06 aprel, 2017
Aprelin 6-da Azərbaycan Dillər Universitetində (ADU) universitetin Fransa Məlumat Mərkəzinin təşkilatçılığı ilə fransız ədəbiyyatının görkəmli dramaturqu və rejissor Jan-Batist Pokelən Molyerin “Xəsis” komediyasının təqdimatı keçirilib. Tədbirdə fransızdilli tələbələrin ifasında Molyer haqqında mahnı oxunub, onun həyat və yaradıcılığı, əsərləri haqqında geniş məlumat verilib. Molyerin “Xəsis” komediyasından videoçarx nümayiş olunub. Fransızdilli tələbələrin ifasında fransız dilində Molyerin “Tartuf” əsərindən səhnə də təqdim olunub. Daha sonra Bakı Fransız Liseyinin müəllimi Jan Lük Dübröy “Xəsis” komediyasının süjet xətti, personajlar, əsərdə baş verən hadisələrə dramaturqun münasibəti və s. haqqında ətraflı məlumat verib. Tədbirin sonunda Fransanın Azərbaycandakı səfirliyinin mədəniyyət işləri üzrə məsul şəxsi  Jervez Mate Frankofoniya həftəsi çərçivəsində təşkil olunan tədbirdən və tələbələrin fəaliyyətindən məmnun olduğunu bildirib.