XƏBƏRLƏR

“Koroğlunun Çənlibelə qayıdışı”

13 dekabr, 2016

ADU-da eyniadlı pyes əsasında hazırlanmış tamaşa izlənilib

Dekabrın 13-də Azərbaycan Dillər Universitetində (ADU) universitetin professor-müəllim heyəti və tələbələri “Koroğlunun Çənlibelə qayıdışı” adlı tamaşanı izləyiblər. Universitetin Azərbaycan dili və ədəbiyyatı kafedrasının professoru Adil Babayevin müəllifi olduğu eyniadlı pyes əsasında səhnələşdirilən tamaşa Ümummilli lider  Heydər Əliyevin dövlətçilik, azərbaycançılıq uğrunda mübarizəsinə həsr olunub. Əsərdə xalq qəhrəmanı Koroğlu ilə Ümummilli lider  Heydər Əliyevin idealları məharətlə uzlaşdırılıb.

Qeyd edək ki, tarixilik, müasirlik və elmiliyin vəhdət təşkil etdiyi bu səhnə əsərində ölkəmizin təlatümlər, təhlükələr içərisində, daxili çəkişmələr, xarici təsirlər nəticəsində dağılmaq üzrə olduğu bir vaxtda xalqın və o dövrdəki bir çox dövlət rəhbərlərinin dəvəti, xahişi ilə Naxçıvan Muxtar Respublikası Ali Məclisinin Sədri, görkəmli dövlət xadimi Heydər Əliyevin Bakıya, ikinci dəfə ali hakimiyyətə qayıdışı əks olunur.