ADU-nun Pedaqoji (ingilis dili-alman dili) fakültəsinin 214B qrupunda təhsil alan bir qrup tələbə universitetin Pedaqogika kafedrasının müəllimi Türkan Əliyevanın təşəbbüsü ilə xeyriyyə tədbirində iştirak edib. Bumeranq Könüllülər Birliyinin GələcəyimizSƏN layihəsinə yardım çərçivəsində imkansız ailələrə müxtəlif dərsliklər, dərs vəsaitləri, test kitabları, ümumilikdə 150-dən çox kitab təqdim edilib.

Qeyd edək ki, layihənin əsas məqsədi imkansız ailələrin övladlarını təmənnasız olaraq öyrətmək və onların ali məktəblərə daxil olmasına yardımçı olmaqdır. Təcrübəli müəllimlər bu layihəyə könüllü şəkildə dəstək verir.