Azərbaycan Dillər Universitetinin (ADU) Pedaqogika kafedrası və "Kaspi" liseyinin birgə əməkdaşlığı çərçivəsində tələbələr üçün “Unlocking Cambridge Curriculum” adlı təlim keçirilib.

 Təlimdə Cambridge Assessment International Education standartları əsasında tələbələrə kurikulumun əsasları, onun tədris prosesinə inteqrasiyası və beynəlxalq təhsil sistemində tətbiq üsulları barədə ətraflı məlumat verilib.

Bildirilib ki, təlimin məqsədi tələbələri müasir təhsil yanaşmaları, o cümlədən, şagirdlərin akademik bacarıqlarını formalaşdırmaq üçün yeni metodologiyalarla tanış etməkdən ibarətdir.

Tədbir çərçivəsində öyrənənlərə təhsil sahəsində innovativ yanaşmaların tətbiqi və Cambridge kurikulumunun unikal xüsusiyyətləri haqqında geniş məlumat verilib.

Təlimin sonunda tələbələrə sertifikatar verilib.

Qeyd edək ki, ADU-nun Pedaqogika kafedrasının təşkilatçılığı ilə bu istiqamətdə silsilə tədbirlər həyata keçirilir.