Azərbaycan Dillər Universitetinin Pedaqogika kafedrasının nəzdində fəaliyyət göstərən İnklüziv Təhsil Mərkəzində sahə üzrə inkişafın təmin edilməsi məqsədilə "Xüsusi uşaqlar - xüsusi yanaşmalar" adlı ikimodullu təlim keçiriləcəkdir.

Təlimin ADU-nun İnklüziv Təhsil Mərkəzinin rəhbəri dos.N.Zeynalova ilə Nitq İnkişaf Mərkəzinin rəhbəri defektoloq-loqoped Esmira Kazımova arasındakı razılaşmaya əsasən reallaşdırılması nəzərdə tutulmuşdur.

Təlimin sonunda iştirakçılara Azərbaycan Dillər Universiteti tərəfindən təsdiqlənmiş sertifikat təqdim ediləcəkdir.

"Xüsusi uşaqlar - xüsusi yanaşmalar" adlı təlim iki modul üzrə keçiriləcəkdir:

1-ci modul üzrə

• Xüsusi təhsil milli və beynəlxalq müstəvidə

• Xüsusi təhsildə tədris olunan fənlər və onların metodikası

• Nitq qüsurları və loqopedik yoxlanış

2-ci modul üzrə

• İnklüziv təhsil milli və beynəlxalq müstəvidə

• Uşaqlarda fiziki inkişaf göstəriciləri

• Görmə məhdudiyyətli uşaqlarla korreksiya işi

Yerlər məhduddur.

Təlim ödənişli əsaslarla təşkil olunacaqdır.