Azərbaycan Dillər Universitetinin İngilis dilinin qrammatikası kafedrası və Tələbə Elmi Cəmiyyəti tərəfindən təşkilatçılığı, Təhsil I və Təhsil II fakültələrinin tələbələrinin iştirakıyla "Yaşıl Həmrəylik ili və COP29 tələbələrin gözü ilə" adlı dəyirmi masa keçirilib.

Tədbiri giriş sözüylə İngilis dilinin qrammatikası kafedrasının müdiri dos. Laləndar Ziyadova açıb.

Tələbə Elmi Cəmiyyətinin sədri b/m. Röya Əliyeva dəyirmi masada müzakirə olunacaq mövzuların əhəmiyyətindən danışıb.

Dəyirmi masada Təhsil I fakültəsinin 1-ci kurs 111B qrup tələbələri Fatima Yusifzadə  "Экологическая обстановка в Азербайджане и пути ее оздоровления" və Nuray Məhərrəmova "Цель и результаты проведения 29-ой сессии Конференции сторон Рамочной конвенции ООН об изменении климата и пути решения экологических проблем", Təhsil II fakültəsinin 1-ci kurs 123B qrupunun tələbələri  Selcan Həsənova, Aytac Orcəliyeva "İşğal altında olmuş torpaqlarda törədilən ekoloji terror" və Nilgün Əsgərova "Climate Change" adlı mövzularda tədqimatla çıxış ediblər.

Təhsil II fakültəsinin 123B qrup tələbəsi Nihad Əliyev tərəfindən "Qarabağda ekosid" adlı video-çarx nümayiş etdirilib.

Dəyirmi masada Təhsil I fakültəsinin dekanı prof. Fikrət Cahangirov, Təhsil II fakültəsinin dekanı dos. Salman Nuriyev, Təhsil I fakültəsi nəzdində Xarici dillərin tədrisi metodikası kafedrasının müdiri dos. Günay Şirəliyeva  və İngilis dilinin qrammatikası kafedrasının müəllim heyəti  iştirak ediblər.