Azərbaycan Dillər Universitetində Təhsil fakültəsi nəzdində fəaliyyət göstərən Psixologiya kafedrasının təşkilatçılığı və “Təhsildə sosial-psixoloji xidmət” ixtisasında təhsil alan 334-cü qrup tələbələrinin iştirakı ilə Zəfər Günü münasibəti ilə  “Zəfər Günü- Ümidin qələbəsi” adlı tədbir keçirilib.

Tədbirdə Psixologiya kafedrasının müdiri dosent Ceyhun Alıyev, laborant Nigar Hacıyeva, laborant və 334-cü qrupun müəllimi Siddiqə Bəylərova, “Təhsildə sosial-psixoloji xidmət” ixtisasının 1-ci kurs tələbələri və Şuşa sakini Xəyalə Səidi iştirak ediblər.

 Tədbirdə müharibənin başlanması və bitməsinin qısa xülasəsi, müharibədən sonra işğaldan azad olunmuş torpaqlarda abadlaşdırma işləri, vətən müharibəsi və anım gününün qısa xülasəsi, müharibə veteranlarının psixoloji problemləri və psixoloji dəstək yolları, əsgərlərin müharibə vaxtı olan psixoloji vəziyyəti haqqında danışılıb.